FAYE
“Dumating ka na pala, Faye.”
Napangiti si Manang Norma nang makita akong pumasok sa silid na dati ay tinutuluyan ko. Dito kasi niya pinapatulog si Baby Janica habang wala kami ni Sir Adi dahil ayaw ng asawa ko na may ibang pumapasok sa aming silid na hindi niya sinasabi.
“Kumusta po kayo, Manang?” nakangiting tanong ko sa kanya.
“Aba'y mabuti naman, kaya lang itong batang ito, ayaw matulog sa umaga. Laro ng laro at malikot na rin, kaya napapagod ako.”
Nauunawaan ko si Manang Norma dahil bukod sa may edad na siya, malikot na rin si Janica, kaya nakakapagod alagaan.
Hindi na katulad noong unang dumating ako dito sa bahay ni Sir Adi, na natutulog lamang sa kama ang alaga ko at umiiyak kapag nagugutom o kaya'y basa ang diaper.
Marunong nang gumulong si Janica at nagsimula na rin
