FAYE
Hindi ako mapakali habang sakay ng kotse ni Sir Adi. Kanina pa ako nakakaramdam ng takot at kaba simula nang nalaman kong pupunta kami sa bahay ng kanyang mga magulang at doon kami kakain ng hapunan dahil alam kong mayaman sila at iba ang estado namin sa buhay.
Hindi rin nakatulong sa aking nararamdaman ang mga eksenang pumasok sa aking isipan mula sa mga napanood kong teleserye sa telebisyon.
Daig ko pa tuloy ang bibigyan ng sentensya ngayong gabi dahil hindi ko alam kung magugustuhan ba ako ng mga magulang ni Sir Adi.
“Honey, are you okay?” tanong ni Sir Adi.
“Hindi,” agad kong sagot. “Kinakabahan ako.”
Kahit hindi sumulyap sa akin si Sir Adi dahil nasa kalsada nakatutok ang kanyang mga mata, ay kitang-kita ko kung paano siya napangiti.
“Why? Are you afraid of my mother?” tan
