FAYE
“Tinatanong ko kayong dalawa, huwag ninyong baguhin ang usapan,” mariin na sabi ni Mrs. Kazimir kina Adi at sa kanyang asawa.
Hindi kasi ako sumagot dahil nakaramdam ako ng takot. Hindi ko alam kung anong tamang isasagot ko dahil nakikita kong hindi maganda ang naging epekto ng batiin ko si Mr. Kazimir kanina.
Napatingin ako kay Sir Adi nang pisilin niya ang aking kamay. “Mom, you’re scaring my wife,” sabi niya sa ina.
Nabaling ang tingin sa akin ni Mrs. Kazimir, kaya bigla akong nanginig sa aking upuan.
“Hindi ka kasali dito, kaya huwag kang matakot, Faye,” sabi ng ina ni Sir Adi sa akin. “Itong dalawang lalaking kasama natin ang may kasalanan sa akin, kaya sila ang dapat magpaliwanag at hindi ikaw.”
Ramdam ko ang tensyon sa mesa. Tahimik si Mr. Kazimir sa kanyang upuan. Nakita
