FAYE
Nagtatawanan kaming dalawa ni Mommy Avery nang bumalik si Daddy Alexander at umupo sa tabi ng kanyang asawa.
Hindi ko napigilan ang kilig na nararamdaman ko nang hawakan niya ang kamay ni Mommy Avery at pinagsalikop ito sa harap ko.
Lumaki akong kasama ang aking mga magulang, pero hindi ko sila nakitang ganito. May mga panahong naglalambing si Papa sa aking ina, pero hindi siya katulad ni Daddy Alexander, na kahit may ibang taong kaharap ay walang pakialam kung yakapin at halikan ang kanyang asawa.
Kilig na kilig tuloy ako habang nakatingin sa kanila. Nakakatuwa pa lang pagmasdan kapag tulad nilang naglalambingan kahit may edad na.
“Mukhang magkasundo na kayong dalawa ni Faye,” sabi ni Daddy Alexander.
“Oo naman, basta mahal ng anak natin, mamahalin at tatanggapin rin natin,” n
