FAYE
Kitang-kita ko ang pag-aalala na nababakas sa ekspresyon ng aking ina habang nakaupo siya sa sofa matapos niyang malaman ang balita tungkol sa nangyari kay Daddy.
Kung pumayag sana siya sa gusto ni Daddy na sabay silang bumalik dito sa Maynila kanina, ay siguradong hindi lang ang aking ama ang nawawala ngayon dahil magkasama silang kukunin ng mga taong dumukot kay Daddy.
Bigla akong nakaramdam ng halo-halong emosyon. Hindi ako makapaniwala na mangyayari ito dahil kanina lamang ay normal ang lahat nang umalis si Daddy sa safe house sa Laguna.
“Don't worry so much, we will search for your father, honey,” narinig kong sabi ni Sir Adi.
Nakalapit na pala siya sa akin ng hindi ko namamalayan dahil labis akong nag-aalala para sa kaligtasan ng aking ama.
Nakita kong umupo sa tabi ni Mom
