FAYE
Hindi ako tumuloy sa loob ng silid ni Sir Adi dahil umiiwas ako sa kanya. Baka kasi mangyari ang sinabi ni Armida kapag nakita ako ng aming amo at ako ang napagbuntunan niya ng galit.
Pinili kong pumunta sa silid kung saan ako unang tumuloy noong bago pa lang ako dito sa bahay ni Sir Adi. Ang sabi ni Armida ay narito ang alaga ko at inaalagaan siya ni Manang Norma.
“Bumalik ka na pala, Faye,” bati ni Manang Norma sa akin nang buksan ko ang pintuan at pumasok ako dito sa silid.
Ngumiti ako sa kanya at lumapit sa sofa. “Opo, kadarating ko lang, Manang.”
Nagpasalamat ako sa kanya sa pag-aalaga kay Janica habang wala ako at sinabi kong ako na ang bahala sa alaga namin.
“Sige, maiwan muna kita dito at lalabas na ako,” sabi ni Manang Norma sa akin.
Naiwan akong mag-isa dito sa loob n
