FAYE
Kinuha sa akin ng asawa ni Ate Danaya si Janica. Siguro ay dahil na rin sa lukso ng dugo, kaya kahit ngayon lang nakita ng alaga ko ang kaniyang ama ay sumama agad siya dito at hindi ko nakitang umiyak kahit niyakap siya nito ng mahigpit.
Si Sir Adi naman, nakita kong binubugbog pa rin siya ni Ate Danaya. Dumudugo na ang kaniyang ilong at pumutok na rin ang kilay, pero hindi pa humuhupa ang galit ng kaniyang pinsan.
Pumunta sa sala ang asawa ni Ate Danaya, kasama si Janica. Nakita ko siyang umupo sa sofa habang paulit-ulit na niyayakap at hinahalikan ang alaga ko.
Lumapit naman sa kanila si Ate Danaya. Kinuha niya si Janica mula sa mga braso ng kaniyang asawa at niyakap ng mahigpit ang kaniyang anak.
Nakikita ko sa kanilang mga kilos ang saya na kanilang nararamdaman ngayong nata
