FAYE
“Tigilan mo ang apo natin, Sebastian,” narinig kong sawayin siya ni Lola Acally. “Kung ano-ano ang mga sinasabi mo sa bata. Sa edad mo na iyan, nakikipagtalo ka pa sa kaniya!”
Napatingin sa akin si Mr. Mondego, pero wala siyang nakitang pagbabago sa reaksyon ko. Ngumiti siya sa kaniyang asawa nang makalapit ito sa kaniya at marahan siyang hinampas ni Lola Acally gamit ang kamay nito sa braso.
“Pagpasensyahan mo na itong Lolo Sabby mo at isip-bata na siya ngayon dahil sa katandaan,” sabi sa akin ni Lola Acally.
“Sino'ng matanda?” tanong ni Lolo Sabby. “Mas malakas pa ako sa kalaw.”
Nagyayabang na siya ngayon, pero tiningnan lang siya ni Lola Acally, kaya bigla siyang tumigil. Sa tingin ko, sa edad nila, mukha siyang takot sa asawa, kaya alam ko kung kanino ako lalapit kapag may gi
