FAYE
Bumabaha ang inumin at pagkain dito sa reception area. Hindi kasing dami ng mga bisita sa kasal sa probinsya ang dumalo sa kasal namin ni Adi dito sa Tagaytay dahil solemn at pribado ang selebrasyon.
Ganito pala talaga kapag kasal ng mga mayayaman dahil hindi katulad sa isla na kung sino-sino ang puwedeng dumalo sa kasal at pumunta sa handaan kahit hindi naman sila imbitado.
Dito, napapaligiran kami ng mga bodyguard ng asawa ko, pati na rin ng mga kasamang tauhan ng aming mga ninong.
Maging si Lolo Sabby ay alam kong nagtalaga rin ng kaniyang mga tauhan sa paligid ng bakuran ng bahay ni Daddy Alexander para sa aming seguridad dahil marami sa aming mga bisita ang may mataas na estado sa buhay at lipunan.
Sa bihirang pagkakataon, nakita kong magkakasama at dumalo sa isang pagtitipo
