FAYE
Gabi na, pero hanggang ngayon ay hindi pa rin nagigising si Sir Adi. Kanina pa ako nakaupo dito sa sofa at pinagmamasdan siya. Ayaw ko munang matulog dahil baka wala na naman siya sa tabi ko kapag nagising ako.
Gustong-gusto ko siyang makausap dahil nakikita kong ayaw niyang sabihin sa akin ang kaniyang problema at pinili niyang pumunta sa bahay ni Kuya Romeo at doon maglasing.
Kanina ko pa katabi ang cellphone ni Sir Adi. Bukas ito at hindi naman pala lowbat, kaya nagtataka ako kung bakit hindi ko siya matawagan kanina.
Kinuha ko ang aking cellphone, sinubukan kong tawagan ang numero ng asawa ko, pero kahit nakabukas ito ay hindi naman nag-ring.
Ilang ulit kong sinubukang tawagan si Sir Adi, pero hindi ko siya makontak. Nagtataka ako kung bakit ganito, kaya kahit malalim na ang
