FAYE
Hindi na ako nakatulog magdamag simula nang dumating si Sir Adi at narinig kong tinawag niya ang pangalan ni Mira. Na-paranoid na naman kasi ako at kung ano-ano ang pumasok sa isipan ko, kaya maaga pa lang ay naghanda na ako para pumasok sa unibersidad dahil pakiramdam ko'y masikip ang hangin sa silid namin ng asawa ko, kaya nahihirapan akong huminga.
Nagulat pa si Manang Norma nang nakita niyang nakabihis na ako. “Ang aga mo namang nagising, Faye.”
Tiningnan niya ang unipormeng suot ko at pagkatapos ay nagtanong sa akin, “Papasok ka na ba?”
Ngumiti ako sa kaniya at pilit kumilos ng normal sa harap ni Manang Norma dahil ayaw kong makita niya na hindi maganda ang aking pakiramdam.
“Gusto ko pong mag-review muna bago magsimula ang klase namin, Manang,” pagdadahilan ko kahit hindi n
