FAYE
Laking pasasalamat ko na may sariling banyo si Sir Adi dito sa kaniyang opisina, kaya nagawa kong maligo. May mga personal siyang gamit dito, kaya may nagamit ako na sabon at tuwalya.
Kahit wala ako sa bahay, komportable pa rin ako matapos naming magniig dahil nakaligo ako at presko na ang aking pakiramdam.
Inirapan ko si Sir Adi nang lumabas ako sa banyo. Nakatapis ako ng tuwalya dahil hindi ko dinala sa loob ang aking uniporme. Baka mabasa pa ito, at kapag nangyari iyon, siguradong sasakit ang aking ulo dahil wala akong dalang bihisan na puwedeng isuot.
“Maligo ka na para makauwi na tayo,” utos ko kay Sir Adi.
Ang lagkit kasi ng tingin niya sa akin, kaya inutusan ko siyang maligo para makapagbihis na siya at makauwi na kami. Dahil kapag nanatili pa kami dito sa loob ng kaniyang
