FAYE
Agad kaming hinatid ni Mang Zarex sa bahay nang matapos ang check-up ng alaga ko. Tahimik ako sa buong biyahe hanggang sa nakarating kami sa bahay dahil pakiramdam ko'y nagsasayang lang ako ng laway kung magtatanong ako sa tauhan ni Sir Adi.
Nakasimangot akong bumaba ng sasakyan. Kahit kinakausap ako ni Mang Zarex, hindi ko siya sinagot dahil naiinis pa rin ako sa pagsisinungaling niya kanina.
“Ma'am, galit ka ba sa akin?” tanong ni Mang Zarex habang nasa loob kami ng elevator.
“Ano sa tingin mo?”
Napakamot siya sa batok. “Kasi, Ma'am, ang sabi po ni Boss Adi, huwag kong sabihin kahit kanino kung nasaan siya.”
Lalong nag-init ang ulo ko sa narinig ko. “Bakit sinabi mo sa doktor ni Janica kanina kung nasaan ang amo mo?”
“Si Ma'am Sofia po iyon, Ma'am. Kapag hindi ko sinabi, mal
