FAYE
Simula nang pinainom ako ng pills ni Sir Adi, laging masakit ang aking ulo. Sinabi ko sa kanya ang tungkol sa nararamdaman ko, kaya dalawang araw na akong hindi umiinom.
Natatakot tuloy ako na baka bigla akong mabuntis, pero nangako naman siya na hindi mangyayari iyon dahil puwede naman daw siyang gumamit ng condom.
Isang linggo na ang lumipas matapos naming magpakasal. Dito na ako sa silid ni Sir Adi natutulog. May sarili nang kuna si Baby Janica, pero katabi ko pa rin naman siya dahil nakalagay iyon sa gilid ng kama.
Tapos na ang bakasyon ni Sir Adi. Pumasok na rin siya sa trabaho at nakapagpadala na rin ako ng pera sa aking pamilya sa probinsya.
Nagulat pa si Mama nang makatanggap siya ng malaking halaga mula sa akin. Hindi siya makapaniwala na magpapadala ako ng pera noong is
