FAYE
Dahil madaling araw na kami nakauwi, kaya tanghali na ako nagising. Mabuti na lang at linggo ngayon, kaya walang pasok sa unibersidad na pinapasukan ko, kaya ayos lang kahit hindi ako bumangon ng maaga.
Wala na sa tabi ko si Sir Adi. Maaga talaga siyang bumangon kahit puyat siya dahil marami siyang ginagawa. Hindi ko nga alam kung paano niya nagagawang pagsabayin ang pagiging isang mataas na opisyal ng sundalo at businessman dahil mahirap pagsabayin ang dalawang trabaho.
Simula nang dumating ako dito sa bahay ni Sir Adi, nakikita kong kulang na kulang siya sa tulog sa gabi. Maaga man siyang umuwi galing opisina kung minsan, pero kapag narito naman sa bahay, ay nakikita kong nagtatrabaho siya kahit araw ng Sabado at Linggo.
Bumangon na ako at inayos ang kama. Nagligpit muna ako ng
