FAYE
“Mira?!”
Nagulat ako nang may babaeng lumapit sa akin habang naghuhugas ako ng aking mga kamay.
Nandito ako ngayon sa isang shopping mall, kasama ang mga kaibigan ko dahil dumaan kami sa National Bookstore para bumili ng mga materyales na kailangan para sa aming proyekto.
Humakbang palapit sa akin ang babae at tiningnan ako mula ulo hanggang paa.
"Oh my God! Is that you, Mira?"
Akmang hahawakan sana niya ako, pero humakbang agad ako paatras, kaya bumangga ang likod ko sa lababo.
“Don't be afraid of me, Mira. I'm not going to harm you,” sabi ng babae sa akin habang nakatingin sa mukha ko.
“I'm sorry, Ma'am, hindi po Mira ang pangalan ko,” magalang at nakangiting sagot ko.
Nakita kong nangunot ang noo ng babaeng kaharap ko. Umawang ang kaniyang mga labi habang tila mangha na na
