Kabanata 61...
"ATE..." Pag gising na tawag sa akin ni Linda. At nang 'di ako magising, "Ate..." tawag ulit nito na may kasamang pagyugyog sa balikat ko. Ngunit ungol lang ang lumabas sa bibig ko. "Ughhhh..."
"Ate, bangon na po." ulas ulit nito ng umungol ako.
At nang hindi ako matinag sa pag ungol, bahagya ako nitong sinampal-sampal sa aking mukha dahilan para magising ako. Nagmulat ako ng mata at diretsyanng nakatingin sa kaharapan ko si Linda na nakabusangot ang itsura.
"Bakit naandito ka Linda?" pupungas-pungas kong tanong at saka naupo sa kinahihigaan.
"Ate,"saka kumamot muna sa ulo bago ito nagsalita, "May mga bulaklak pong dumating. Apat po iyon. Pinalagay ko na lang po sa gilid ng pintuan." Kusang nanliit ang dalawang mata ko na may halong pagtatanong kung kanino galing.
