Point of view
- Blake Robinson -
Isang mahabang araw na naman ang aking hinarap sa loob ng aking opisina. Sinilip ng aking mga mata ang dating station ni Steffi mula sa aking kinauupuan. Kumusta na kaya ang babaeng 'yon? sigurado naman akong masaya na siya.
Isang malalim na buntonghininga ang aking ginawa at saka ako tumingin sa orasan na nakasabit sa aking pader dito sa aking opisina.
Malapit na rin pa lang mag alas-singko ng hapon, kaya pala ang aking isip ay ayaw nang gumana sa aking tinatrabaho.
Tumayo ako at kinuha ang aking suit na nakasabit sa upuan at saka ako lumabas ng aking opisina.
Nakita ko pa ang aking mga empleyado na nagpapaalam sa akin at tinanguan ko na lamang sila. Aksidenteng nasulyapan ng aking mata ang dating estasyon ng aking empleyado na si Glen
