"Excuse me." Abala si Hunter sa pagwawalis sa harap ng apartment, ako naman ay narito sa sala. Napasilip agad ako sa bintana nang marinig ko ang tinig ni Iskayla. "Ikaw ba ang boy rito?"
"Boy?" huminto na sa pagwawalis si Hunter at tumayo nang tuwid.
"I mean, kasambahay ni Lupita? Dito kasi siya nakatira. Ngayon lang kita nakita."
"Nangungupahan din ako rito. Ako iyong umuupa sa isang kwarto."
"Pero d'yan nangungupahan si Lupita."
"Iskayla!" binuksan ko na ang pinto at tinawag ang babae. "Anong ginagawa mo rito?" takang ani ko. "Tara rito sa loob."
Naiwan na ang bodyguard ni Iskayla na si Hiru sa labas. Nakita ko pa nga itong nilapitan si Hunter at kinausap.
"What's that? Iisa kayo ng house ng guy na iyon?" halatang alanganin ito sa tanong. Mahinhin naman akong tumango.
"Yes
