"Magkaiba ang address na ibinigay mo?" takang-taka na tanong ni Hunter sa akin. Tama iyon. Magkaibang address ang ibinigay ko sa mag-asawa.
Ang address na ibinigay ko kay Mayora ay patungo talaga sa kung nasaan si Iskayla. Habang ang address na ibinigay ko kay Taco ay address patungo sa kamatayan n'ya.
Sapat na sa akin ang mga alahas na ibinigay ni Kaylara. Mga importanteng alahas ng aking ina, na para sa akin ay walang katumbas na halaga. Tatapusin ko na ang misyon ko ngayon dito. Si Papa Silas, papunta na siya. Siya ang haharap kay Taco para magtanong sa pakay n'ya. Habang ako naman ay magmamasid lang muna.
Inip na inip na kasi si Silas Aguarde sa yamang hindi pa napasakanya.
"Oo, Hunter. Si Iskayla, pwede pang maisalba. Mailayo at magbago. Bata pa siya, may mga maling desisyon na
