Isang malakas na suntok ang tumama sa panga ni Drido, pagpasok pa lang sa sala ng rest house.
Nagbilin naman na ako sa anak kong si Dell, na hintayin muna ang kapatid na magpaliwanag. Huwag din nitong idaan sa init ng ulo, upang hindi sila magkasakitan ng kapatid n'ya.
Pero parang nasayang lang ang mga salita ko dahil agad nitong sinugod ang kapatid n'ya.
Mabuti na lang at naroon si Dax na agad pinaghiwalay ang dalawa at siya ang pumagitan.
"Putangina mo, Drido!" gigil na ani ni Dell sa kuya n'ya. Kahit sinubukan kong kunin ang atensyon nila ay parang hindi nila ako naririnig.
Kaya naman lumapit ako sa mesa, dinampot ang vase, saka iyon malakas na ibinato sa pader.
Sa wakas, huminto rin sila sa pagtatalo.
"D-ad." Alanganing ani ni Drido. Napayuko ito. Hindi makuhang tignan ak
