Sa sobrang bwisit ko kay Makisig ay ipinatapon ko na sa Apolina. Buti nga'y nakapagpigil pa ako, eh. At least hindi ko itinumba. Inutusan ko sina August na ihatid sa Apolina ang lalaki. Sagabal lang ito, nanira pa ng mga plano.
Bumalik ako sa mansion ni Papa Silas pagkatapos. Nandito ako para makiramdam.
Sabi ko nga, na kay Kuya Columbus na ang desisyon kung sisirain n'ya ang plano ko.
Narito pa ako sa sasakyan. Hindi pa bumababa. Naglalaro lang ako sa phone ko nang mag-ring iyon. Si Mama Cora ang caller. Agad muna akong nagpalinga-linga saka sinagot ang tawag nito nang makumpirmang walang tao.
"Ma?"
"Anong balita?"
"Nagkausap na kami ni Kuya Columbus. Malaking problema ito, ma. Pero hindi ibig sabihin na hihinto ako. Kilala na rin n'ya ang asawa ko. Ma, alam mo namang ilalaban ko a
