Kung ano ang ayos ko no'ng nakilala ako ng mga Martinez, gano'n din ang ayos ko no'ng nagtungo kami ni Hunter para ipakita kung gaano kami nito kahusay.
Kalmado lang akong nakatayo sa gitna.
"Atake, Rosario!" utos ni Taco sa tauhan n'ya.
"Sir, paano naman ako aatake. Babae iyan, sir."
"Dalawa lang ang pagpipilian mo. Aatake ka, o ako ang aatake sa 'yo."
"Atake na, Rosario. Kailan ka pa naduwag?"
"Boss, babae---" mabilis akong humakbang palapit at ibinalibag ito. Napasinghap ang mga manonood sa ginawa ko. Nandito ang buong pamilya ni Taco Martinez at nanonood.
"Perfect!" tuwang ani ni Taco Martinez. Nang makita ni Rosario na seryoso ako, kahit na babae ako. Agad itong bumangon at mabilis na sumugod sa akin. Nanatili lang naman akong tumayo. Mabilis ang ginawa nitong pagsuntok. P
