Nang sulyapan ko si Dustin, nakangiti din ito. Hindi nagtagal ang paglingon ko sa kaniya dahil naiinis pa rin ako sa kaniya. Parang ayaw ko muna siyang makita ng isang taon.
"Payakap nga sa baby ko." Nilapitan ni Dustin si Danica ngunit bigla itong lumayo.
"Ayaw ko yakap sa 'yo. Mayroon ka na ibang family. Hindi mo na kami love ni Mommy." nakataas ang mga kilay ni Danica habang nakapameywang sa Daddy niya.
Muling humakbang si Dustin para lapitan si Danica ngunit umatras lang din ito. "Baby, walang ibang family si Daddy. Sino ba nagsabi sa 'yo niyan?" tanong ni Dustin sabay lingon sa akin.
Pasimple niya akong sinamaan ng tingin. Pasimple rin siyang lumapit sa akin. "Ikaw ba nagsabi kay Danny?" bulong nito sa akin.
"Totoo naman ang sinabi ko sa anak ko, Dustin. Bumubuo ka na ng sarili m
