DWIGHT
Matatapos na naman ang araw at wala pa rin kaming nahihita simula noong bumalik kami. Sumasakit na ang aking ulo sa kakaisip ng paraan kung paano at saan kami magsisimula. Kasalukuyan kaming nag-uusap-usap nina Finn sa opisina ko dahil hindi maaaring wala kaming plano para sa trahedyang nangyari dito sa Saint Augustus Academy. Wala akong balak na ipaalam sa mga magulang ng mga nawawalang mag-aaral ang tungkol dito hangga't hindi namin sinusubukang lutasin ang misteryo.
"Satingin mo, magandang ideya na pasukin natin 'yong gubat na 'yon? Kasi kung tutuusin base doon sa statement no'ng lalaki kanina, lumabag 'yong tatlo at hanggang ngayon hindi pa rin sila nakakabalik. What if mapahamak din tayo kapag sinubukan natin?" ani Vixel habang puno ng takot ang kanyang mukha. Pinag-isipan ko
