Malapit na namang lumitaw ang tanda, ano na naman kayang kapahamakan ang kanyang dala?
May sisigaw bang muli? May mawawala? May dadanak ba, o may luluha?
Walang nakakaalam kung ano ang mga susunod na mangyayari, kung anong parusa ang siya na namang dadampi.
Ligaw na kaluluwa ay nananatiling nakakulong sa silindrikong kulungan habang natutulog nang mahimbing.
---------------------------
Pasado alas otso ng gabi, malamig ang simoy ng hanging dumuduyan sa tahimik na impyerno. Walang nasa labas, walang ingay na maririnig, tanging mga kuliglig lang ang siyang nagdiriwang ngayong gabi.
Sa loob ng dalawang malalaking gusali, ang mga mag-aaral na nakaligtas sa hindi matukoy na trahedya ay mataimtim na nananalangin. Sinasambit, nagmamakaawa na sana sila'y buhay na makalaya. Ngunit isang malak
