"NGAYON ay nauunawaan na ninyo mga anak kung bakit ayaw na ayaw naming may magkakaribal sa inyo. Maaring hindi kami naging magkaribal ng Uncle Ramil ninyo pero hanggat maaari ay hindi na mauulit ang kahapon. Nagkakaunawaan ba tayong lahat?" tanong ni Romnick sa limang anak.
Oo, lima. Dahil kagaya nang binitiwan niyang pangako noong lumabas sa mundong ibabaw ang panganay na si Alessandro ay siya ang ama nito. Subalit panahon din ang nagpahintulot na maipagtapat nila sa mga anak ang katotohanan.
"Ang sabi ko nagkakaunawaan ba tayo hindi ko sinabing sabay-sabay kayong sumagot! Hah! Ako ang natutuyuan ng dugo sa inyong lima! Aba'y ano'ng akala ninyo sa eroplano laruan?! Susme! Di na lang kayo nag-economy kung ganoon!" sigaw niyang nakapamaywang.
Aba'y paanong hindi siya mapapasigaw samantal
