“PASOK po, Mr. Villafuerte.”
Tumango si Denver sa sekretarya at pumasok na sa opisina ni Robin. Nakaupo na ito sa recieving area na tila ba inaasahan talaga ang pagdating niya.
Nauunawaan niya kung bakit galit ito sa kanya sapakat noon pa man ay mahal na nito si Alexandra ngunit nagparaya lang nang dumating siya sa buhay ng babae at napagtanto nito na wala na itong pag-asa.
Batay sa pagkakaalam niya ay matalik na magkaibigan ang dalawa simula pagkabata. Pero hindi makapagtapat ng damdamin si Robin sa takot na masira ang pagkakaibigan ng mga ito.
Sa umpisa pa lang ay alam na niyang umiibig ito kay Alexandra. Lahat ng pambabakod ay ginawa nito para hindi lang siya makalapit sa dalaga. May pagkakataon pa nga na inabangan nito ang kotse niya na papalabas sa Condo Unit kung saan nakatira s
