Nang malapit ng matapos si Priya sa paglilinis sa harap ng building ay saka naman niya nakitang papalapit si Kath sa kaniyang gawi.
Malalaki ang mga hakbang nito kaysa normal niyang lakad ngunit sopistikada pa rin itong tingnan.
Mainit ang ulo ni Kath dahil sa pagtatalo nilang dalawa ni Hubert.
Nagkasalubong ang mga mata ni Priya at Kath at bigla na lang siyang sinugod nang malakas na sampal.
Hindi pa ito nakontento dahil hindi lang isang pisngi ang sinampal ni Kath kundi ang magkabilaan.
Sa lakas nang sampal ni Kath ay halos matabingi na ang mukha niya.
"Ang kapal ng mukha mo! Ang kapal-kapal!" asik niya kay Priya at dinuro-duro ito gamit ang hintuturo niyang daliri.
"Kath, ano ba ang ginagawa mo?!" saway sa kaniya ni Hubert na nakasunod lang sa kaniya kanina. Nababahala ito
