Hindi akalain ni Priya na aamin sa kaniya si Marlon. Wala siyang ideya kung paano niya ito nakumbinsi para magsalita. Tila nagdadalawang isip pa si Priya sa umpisa dahil baka sinasakyan lang siya nito.
Hindi malabong sinasabi lang nito ang gusto niyang marinig. Ngunit alam niyang si Miguel ang may pakana ng lahat kaya magtitiwala siya rito.
Kahit ang mga katanungan ay hindi pa masagot ni Marlon. Ayos lang sa kaniya at isasantabi na muna. May mga ideya na rin naman siya kung bakit? Ang gusto niya lang malaman, kung meron pa ba ng iba na hindi niya alam.
Lalo na ang mga tanong kung bakit sa lahat ng tao ay siya pa itong pinain ni Miguel para mapagbintangan siya at makulong?
Ito ba ang naging kapalit ng pambabalewala niya sa nararamdaman ng binata para sa kaniya? Labis-labis na pagduru
