"I love you..."
Nakangiti na nilingon ni Hendrix ang kaniyang asawa at kinukuhanan siya ng picture habang nagmamaneho. Papunta sila sa kanilang honeymoon. At dahil maselan ang pagbubuntis nito kaya imbes na sa Hawaii ay sa Walla Walla, Washington na lang muna ang napagkasunduan nila na pumunta. Saka na sila magce-celebrate nang bongga pagkapanganak nito. Mas maganda iyon dahil makakasama na nila ang kanilang panganay na anak.
"Smile, hubby. Please?" paglalambing ni Cucu na walang kasawaan sa pagkuha ng litrato. Bukod sa pagiging magaling na Psychiatrist ay magaling na photographer din ang kaniyang asawa. Ito ang isa sa mga libangan nito kapag walang duty sa trabaho.
Aminado si Hendrix na hanggang ngayon ay parang hindi pa rin siya makapaniwala na mahuhulog ang loob niya kay Cucu. Noon
