"Huwag na raw tayong bumili ng uling. Gumana na raw ang electric grill," imporma ni Samantha kay Jigsaw pagkatapos niyang maibaba ang cellphone nang tawagan siya ni Cristy. "Bumalik na lang daw tayo."
"Buti naman kung gano'n. Parang wala rin kasi talaga tayong mabibili, eh. Iyong sabi ng huling tatlong tindahan na napagtanungan ko, kanina pa raw nagkakaubusan ng uling," sagot naman ni Jigsaw nang lingunin siya nito. "Dumagsa raw kasi ang mga turista simula pa kahapon."
"Kung gano'n, tara na? Para makatulong pa tayo sa paghahanda ng mga pagkain."
"Kaya na nila 'yon," nangingiting wika ni Jigsaw. "Kung gusto mo, kain muna tayo ng mga local foods nila dito. May nakita akong tindahan ng bibingka kanina habang naghahanap tayo ng uling. Bukod sa bibingka, may mga naka-display din silang espas
