"Are you okay?"
Napakurap-kurap si Samantha nang marinig ang boses ni Jigsaw. Kadarating pa lang nila sa private resort na iyon sa Pansol, Laguna para magpa-farewell sa mga katrabaho niya.
Nilingon niya ito at kaagad na sumilay ang pilit na ngiti sa mga labi niya nang magtama ang mga mata nilang dalawa. "Yeah, I'm okay. Medyo nalulungkot lang ako na hindi ko kasama dito ngayon si Teddy. Bukod sa farewell party ko ito sa trabaho ko, timing din sana na wedding anniversary namin. Kaya lang..." Puno ng lungkot na napabuntong-hininga si Samantha, "sobrang busy yata talaga niya sa opisina at pati iyon ay nakalimutan na niya."
Dahan-dahan na umupo sa tabi niya si Jigsaw sa gilid ng swimming pool. Nakasuksok sa magkabilang bulsa ng shorts nito ang dalawang kamay. Sa balikat nito ay may nakas
