"Tatay, Tiyo, si Hendrix nga po pala. N-nobyo ko po," nauutal niyang pakilala sa lalaki.
Ang inaasahan ni KMJS ay magugulat nang husto ang kaniyang Tatay Asyong at Tiyo Armando kapag umuwi siya na may kasamang lalaki. Kaya nga kabado bente siya habang nasa biyahe sila kanina, kahit pa alam naman niyang hindi siya hahadlangan ng mga ito. Kinabahan lang siya dahil nagpaalam lang siya na may bibilhin sa bayan tapos umuwi siyang may kasama ng nobyo at buntis pa.
Kinakabahan din siya dahil kilala lang ng kaniyang ama si Hendrix bilang amo niya.
"Mabuti naman at nakabalik ka rito, Sir Hendrix," sabay na wika ng dalawang matandang lalaki na ikinalaki ng mga mata ni KMJS.
"A-ano ho ang sinabi n'yo?" takang-taka na tanong niya, nagpalipat-lipat ang tingin niya sa ama at tiyuhin niya. "Tama ho
