"Ano 'yong tungkol sa'yo na kailangan kong malaman, Kathleen?" nagtataka na tanong ni Hendrix sa kaniya. Binasag nito ang ilang segundo na pananahimik niya dahil parang hindi niya kayang sabihin dito ang totoo.
Natatakot siya na baka masaktan na naman ito nang husto kapag pinaniwalaan nito ang sumpa.
"Come on, tell me." Masuyong hinawakan ng lalaki ang kaniyang kamay at pinisil. Na para bang nagbibigay ng assurance na okay lang kahit pa man ang marinig nito mula sa kaniya. "Promise, hindi kita huhusgahan. At hindi rin ako magagalit ako sa'yo."
Isang malalim na buntong hininga ang pinakawalan ng dalaga bago nagsalita. "Ang sabi ng mga ninuno namin sa pamilya ni Nanay noon, isinumpa raw ang pamilya namin na lahat ng mga babae, bago o pagkatuntong ng edad na twenty eight ay mamamatay na.
