Namugto ang mga mata ni KMJS dahil sa kaiiyak. Hindi tuloy niya magawang lumabas ng maid's quarter. Pupunta pa naman sana siya sa mansiyon para ipaghanda ng merienda ang mga bisita ni Hendrix. Kaya lang, bukod sa nahihiya siyang humarap sa mga ito dahil sa mga mata niya, masama pa ang loob niya sa kaniyang amo. Dahil hanggang ngayon ay hindi man lang siya nito sinuyo o kahit sinundan man lang sa quarter niya para mag-sorry o kahit magpaliwanag na lang sana.
Hindi naman siguro ito ganoon ka-insensitive para hindi malaman na nasaktan at nainsulto siya sa ginawa nito.
Sino ba ang may kasalanan? Ikaw itong marupok at nagpadala agad sa tukso. Nagpalandi ka sa amo mo kahit sa una pa lang ay alam mo nang mahal pa rin niya hanggang ngayon ang asawa niya. Kaya huwag kang mag-emote na parang obli
