Napatili si Samantha nang sumalubong sa kaniya ang malamig na tubig nang lumusong siya sa swimming pool. Ramdam niya ang lamig na yumapos sa kaniyang katawan nang mabasa iyon. Pero nang bumaba na rin sa tubig si Jigsaw at lumapit ito sa kaniya ay doon pa lang niya naramdaman ang unti-unting pag-iinit niyon.
Hindi niya magawang salubungin ang mga mata nito na nakatingin sa kaniya na tila puno ng paghanga kaya nag-iba ng direksiyon ang mga mata niya. Bukod sa hindi rin niya kayang tumingin sa hubad nitong katawan na animo'y lalong naging kaakit-akit nang mabasa iyon ng tubig.
Nang isang dipa na lang ang layo nito sa kaniya ay pasimpleng lumayo si Samantha. Hindi pala niya kayang tumagal sa ilalim ng tubig na kasama si Jigsaw at kalapit pa nang ganoon. Parang sinisilihan ang kaniyang paki
