Isang linggo. Iyon ang palugit na ibinigay ni KMJS sa kaniyang sarili para manatili pa sa isla. Gagawin niya ang lahat para malaman kung talaga bang impostor o hindi ang Cucu na dumating.
Kapag totoong buhay ito, pinili man o hindi ni Hendrix, magpaparaya pa rin siya. Pero kapag nakita niya na peke ang babae, kahit pa pinili ito ng kaniyang nobyo, lalaban siya hanggang kaya niya.
Nang magising kinabukasan si KMJS ay sobrang maga ng kaniyang mga mata dahil sa walang tigil na pag-iyak sa magdamag. Kahit kaninang madaling araw, nang magpaalam si Jigsaw na aalis na papuntang Maynila ay umiiyak pa rin ang dalaga. Gusto nga sana nito na isama na lang talaga siya. Pero siya na ang nagdesisyon na manatili pa at hindi iiwan ang kasintahan.
Kahit masakit ang ulo at namumugto ang mga mata ay pi
