Hindi na inisip ni KMJS ang kahihinatnan ng gagawin niya. Basta nang madala niya sa kuwarto nito si Hendrix ay walang pag-alinlangan na dinala niya ito sa banyo at saka binanlawan ang katawan nito. Ipinikit na lang niya ang mga mata nang hubaran niya ito. Pagkatapos ay siya na rin ang nagbihis dito. Mabuti na lang at wala naman itong reklamo hanggang sa maihiga niya sa kama. Bagaman at wala itong imik at para lang itong bata na sumusunod sa lahat ng gagawin niya rito.
Gusto man niya itong sumbatan, sermunan at pagalitan ay pinagliban muna iyon ng dalaga para makapagpahinga ang amo niya.
"Inumin mo na muna 'to para hindi ka sipunin at lagnatin." Umupo siya sa gilid ng kama habang inalalayan sa pagbangon si Hendrix. At saka niya iniabot dito ang gamot. "Hindi ko na rin muna bubuhayin an
