SAVANNA’S POV
NAKAYUKO ang ulo ko nang lumabas ako ng cr. Pagdating ko sa puwesto ay agad kong kinuha ang bag ko at lumabas ng samgyupsal. Kaagad naman akong sinundan ni Lyla sa labas.
“Iiwan mo na lang kami ni Ricca?”
Lumapit ako sa kaniya at napatingin sa direkyson ni Aldrich.
“Pasensya ka na, Lyla. Kailangan ko nang umalis dahil ayokong makita ako ni Aldrich lalo na’t may bagong isyu na naman kami.”
“Sige. Sayang din kasi ang pagkain kaya maiiwan kami ni Ricca. Ayos lang?”
“Oo. Ayos lang. Tawagan mo na lang ako kapag may hindi magandang nangyayari sa loob,” aniko sa kaniya saka siya tumango.
Naghanap ako ng taxi at nang pumarada ‘yon ay agad kong binuksan ang pinto saka ako pumasok. Huminga ako nang malalim saka ko sinabi sa driver ang lugar kung saan ako bababa. Mabuti na lang a
