3RD PERSON POV
KINABUKASAN. Alas sais ng umaga nagising si Yazy. Pagbangon niya sa kama ay agad niyang nakita ang ate niyang natulog sa sofa.
Bumaba siya at lalapitan niya sana ito nang may humila sa kaniya— ang nakakabit na suwero sa kamay niya. Narinig ni Lyla 'yon kaya binuksan niya ang mata niya at nagulat nang makitang gising na si Yazy.
"Yazy."
Napabalikwas siya at napangiti rito kasabay ng pagpatak ng luha niya. Lumapit siya dito at agad na niyakap ang kapatid.
"H'wag mo na ulit gagawin 'yon, ha?"
"Ate. . ." ani Yazy at biglang bumuhos ang luha niya pagkuwan ay napahigit ito ng yakap.
"Shhh tahan na," wika ni Lyla.
Nang mahimasmasan na ang dalawa ay kinuwento ni Yazy ang nangyari kagabi.
"Pagkatapos ng final exam kahapon ay inaya ako ng mga kaklase namin na mag-party sa ka
