Naupo na sila sa mesa para mag hapunan. Naipahain na n'ya lahat ng dalang pagkain ng Mommy n'ya para sa kanila ni Harry.
"Wow," anas nito. At ngumiti sa kanya. Alanganin s'yang ngumiti sa asawa. Ang gwapo talaga ng asawa n'ya pag ngumingiti. Lumalakas lalo ang appeal nito.
Sinimulan n'yang lagyan ng pagkain ang plato ng asawa. Kanina kinausap s'ya ng Mommy n'ya. Sinabi nitong asikasuhin naman n'ya ang asawa n'ya. Gawin daw n'ya ang papel n'ya bilang asawa ni Harry. Tutal legal naman daw ang kasal nila. Ano man daw ang naging rason ng pagpapakasal nila ni Harry sa mata ng diyos mag-asawa pa rin sila. Wala naman daw ibang paraan para maisalba ang pagsasama nilang mag-asawa. Isa lang daw ang hangad ng Mommy n'ya ang mapanatili n'ya ang kasal nila ni Harry. Ang manatili s'yang asawa ni Harry
