Careela's POV
Iniwasan kong lumabas ng unit ko sa nakalipas na mga araw. Panay ang aya nina Chelsea at Deborah na magpunta kami ng mall o kaya ay mamasyal kami sa bayan at tumambay sa park na madalas namin tambayan kapag walang pasok sa eskwela. Kaya lang, sobra ang katamaran na nararamdaman ko dala na rin siguro ng paglilihi ko. Wala kasi akong gana na gumalaw dahil mas gusto kong humilata at matulog buong maghapon kaysa ang lumabas at gumala kung saan-saan. Tsaka mainit ang panahon kahit tag-ulan na. Hindi katulad noon na kapag nagsimula na ang rainy season ay malamig na ang paligid.
Naiinis na nga ang dalawa kong kaibigan sa akin dahil pati sila raw ay parang nahahawa sa katamaran na aking nadarama. Imbes na lumabas sila para mag-shopping o kaya ay kumain sa paborito naming kainan, an
