"KANINONG penthouse ito?" kunot ang noong tanong ni Anthony kay Sergio pagkalabas nila sa elevator. Dinala siya nito sa isang exclusive hotel ng De Lobo.
"It's mine. Maupo ka muna, magpapalit lang ako ng damit dahil galing pa ako sa iba't ibang photoshoot," anito pagkatapos ay umakyat na sa ikalawang palapag.
Halata sa itsura ni Sergio na wala pa itong tulog. Halata rin ang pagod nito. Ano kaya ang gusto nitong pag-usapan nilang dalawa?
Imbis na maupo siya ay nilibot niya ng tingin ang paligid ng penthouse. Dati sa telebisyon lang siya nakakakita ng ganito. Masasabi niya na marangya talaga ang buhay ni Sergio.
Sa paglibot ng kaniyang mata ay natuon ang tingin niya sa malaking portrait. Hindi makapaniwalang tinitigan niya iyon. Ang lalaking nasa portrait ay walang iba kundi siya. It was
