NANATILI sa kusina si Deniz. Naghuhugas na ako ng kamay ko ng binalingan ko siya at nginitian.
"Huwag kang mag-alalala okay lang ako. Normal naman ang reak—Deniz!" Napatili ako ng hilain niya ako sa palapit sa kanya sabay angat ng kaunti sa blouse ko. Napayuko pa ako para itago iyon pero huli na. Nakita niya na at nabuking na rin ako. Na naman.
"This? Is this normal? Nasaktan ka, Bree," may halong galit na ang boses niya.
Nakangiwi ako habang inaayos ang pagbaba ng blouse ko.
"Hindi naman gaano kasakit. Pasa lang 'to," hindi ko siya matignan sa mga mata.
"Pasa? Pasa lang ang tawag mo sa malaking 'yan? Wala lang pa rin ba 'yan?"
Nagkaroon kasi nang pasa sa bandang gilid ng beywang ko hanggang sa likod dahil tumama sa bakal nong itulak ako ng tatay ni Lotty paalis sa bahay nila.
"Kaya
