MAGANDA ang panahon. Hindi na sobrang tirik ang araw at hindi naman maulan. Mahangin at mas masarap sa pakiramdam. Puno ng bulaklak at dahon na dekorasyon sa reception. Maingay at masayang musika ang bumungad sa amin pagpasok sa area.
Hindi ko akalain na makukuha ko na maikasal sa lalaking tulad ni Deniz. Mangyayari ang magandang wedding para sa akin. Eleganteng lamesa at upuan. Maging ang mga utensils ay naghuhumiyaw sa karangyaan. Kulay babasaging ginto.
Hawak-kamay kami nang sumasayaw sa entrance. Naghihiyawan ang mga bisita nang kami ay makita. Ngayon, opisyal na kaming mag-asawa ni Deniz.
Tapos na ang paghihintay at matatawag ko na siyang asawa ko talaga dahil legal na kaming dalawa.
"Please welcome our newlyweds! Mr. and Mrs. Avci!"
"Buntis! Huwag kang tumalon!" sita ng kaibiga
