"Kumusta na ang apo ko?" agad na tanong ni MJ sa manugang.
"Wala pa ring ipinagbago, Daddy. Kung ano ang hitsura niya noong iniuwi namin ay ganoon pa rin hanggang ngayon," malungkot na tugon ni Jameston.
"Ano raw ba kasi ang nangyari, anak? Aba'y hindi naman siya ganyan ah. Ang kilala kong Mary Claire ay ang Clarang may sungay. But look at her now, she looks like a...like a... What a hell! What they have done to my granddaughter?!"
Boom!
Ang mainitin ang ulo, naitago sa paglipas ng panahon. Ngunit sa nakikitang hitsura ng pinakamamahal na apo ay biglang lumabas ang itinatagong sungay!
"Grasya ko, alam kong nag-aalala ka sa apo natin. Ngunit alalahanin mo rin ang kalusugan mo. Nakalimutan mo na ba ang sabi ng apo mong si Enrico? Iwasan mo ang magalit upang maiwasan mo ang alta-presyon.
