Sa paglipas ng mga araw, naging kapansin-pansin ang kasiyahan ng bawat isa. Lalong-lalo na ang puno este ang mag-asawang Grasya Kaskasera at Iyakin. Kung ano sila noon ay ganoon pa rin hanggang sa kasalukuyan. Sutil pa rin na animo'y mga teenagers.
Samantalang ang mga anak nila ay may mga love life na rin. Ang panganay ay hindi na nga napaglabanan ang damdamin sa kalihim nito. Nalaman na lamang nilang magkasintahan na ang dalawa. Hindi lamang iyon, dahil ayon sa mga nakakakita ay bukod sa hatid-sundo nito ang dalaga ay doon na rin daw ito madalas nagpapalipas ng gabi. Bagay na totoo naman, madalas itong hindi umuuwi. Kapag tinatanong naman nila ay napapangiti lamang. Kung hindi naman ay malapit na raw silang magmanugang. Kaya't hinayaan na lamang din nila dahil sabik na rin silang magkar
