"Bulls eye! Bingo! Mga tarando kayo. Magaling kayo pero mas mautak ako! Sige lang magpakasaya kayo ngayon pero pinapasigurado ko sa inyo kayo ang pasasabugin ko."
Nakaismid si Grace nang makita ang lumiliyab na bangkang de-motor na gagamitin sana ng matanda pero na awa sa kaniyang anak. Laking pasasalamat din niya dahil may isang tulad ni Tatay Doro na naawa sa anak niya. Dahil kung nagkataong ibang tao ito ay baka mas pinili ang pera kaysa ang itakas ang anak niya.
Oo, alam niya ang bawat kilos ni Adrian Joseph at alam din niya kung saan ito dinala dahil hindi basta-basta ang kuwentas na iniregalo niya rito. Lingid sa kaalaman ng kaniyang asawa ay nilagyan niya ng tracking device na kasing liit lamang ng mongo at kasing hugis ng laces sa kuwentas. Kaya't namomonitor niya ang bawat kilos
