INAANTOK-ANTOK na nagdilat ng mga mata si Jeany nang maramdaman niyang may humaplos sa buhok niya. Napangiti siya nang sa pagdilat niya ay sumalubong sa kaniya ang guwapong mukha ni Nicolo na nakatunghay sa kaniya.
"I'm sorry kung nagising kita. I just miss touching your soft hair." Muli nitong hinagod ang kaniyang buhok; mula sa pinakapuno hanggang sa balikat niya. "Go back to sleep. Gigisingin na lang kita kapag hinanap ka ni baby Nico."
Napatingin sa tabi niya si Jeany nang maalala ang anak. Nagsalubong ang mga kilay niya nang hindi ito makita. "Where's our son?"
"Don't worry. He's just in the other room. Masikip kasi kayo rito. Baka mahulog kayo pareho." Ngumiti ito nang tipid. "Ang likot niya pala talagang matulog. Hinarangan ko nga nang marami at malalaking unan ang kama, eh."
N
